«Բռնության մշակույթը Հայաստանում և դրա արդարացման ծանր հետևանքները» թեմայով քննարկումը՝ ՈՒՂԻՂ

Ընդդիմության քայլերթի ժամանակ «Անտարես» հրատարակչության ղեկավար Արմեն Մարտիրոսյանի վրա հարձակումը և այդ երևույթի ոչ միանշանակ դատապարտումը, կրկին ակտուալ դարձրեց բռնության միջոցով քաղաքական հարցեր լուծելու, հաշվեհարդարներ տեսնելու խնդիրը:

Խորը արմատներ գցած բռնության մշակույթը Հայաստանում, որը սնուցվում է ատելության խոսքով, ոչ հեռու անցյալում պարբերաբար սուր բանավեճերից վերածվում էր ձեռնամարտի Ազգային ժողովում: Փողոցում ապրիլի 27-ի երեկոյան հարձակումը դրա դրսևորումներից մեկն է:

Քաղաքական կյանքում բռնության դրսևորումների լեգիտիմացման փորձերը և իրավապահների ոչ օպերատիվ արձագանքը կարող են հեռուն գնացող հետևանքներ ունենալ` ճանապարհ հարթելով դեպի քաղաքական հաշվեհարդարներ:

Ընդհանրապես բռնության դրսևորումները հանրային հարաբերություններում ու իշխանության համակարգում կշարունակվի և կվերարտադրվի, եթե չլինի խստագույն պատասխանատվություն և այն կիրառող իրավապահ համակարգ:

Բռնության մշակույթի վերակենդանացման, հնարավոր քաղաքական հաշվեհարդարներին և դրանց օպերատիվ արձագանքման խնդիրներին է ուղղված «Հոդված 3» ակումբում (հասցե` Զարոբյան 32) նախատեսված «Բռնության մշակույթը Հայաստանում և դրա արդարացման ծանր հետևանքներըԸ» թեմայով քննարկումը։

Բանախոսներն են՝
Հրանտ Ջիլավյան՝ ՄԻՊ աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար
Նինա Կարապետյանց՝ իրավապաշտպան
Արա Ղարագյոզյան՝ փաստաբան, իրավապաշտպան