09.06.2026 | 00:17
Մարկո Ռուբիոն շնորհավորել է Փաշինյանին
Բայրամովը Պուտինի հատուկ ներկայացուցչի հետ քննարկել է եռակողմ հայտարարությունների կատարման ընթացքը
Քաղաքականություն
28.04.2022 | 20:24
Ադրբեջանի ԱԳ նախարար Ջեյհուն Բայրամովն այսօր ընդունել է ՌԴ նախագահի հատուկ ներկայացուցիչ, հատուկ հանձնարարություններով դեսպան, Կասպից ծովի հարցերով աշխատանքային խմբում Ռուսաստանի պատվիրակության ղեկավար Միխայիլ Պետրակովի գլխավորած պատվիրակությանը, հայտնում են ադրբեջանական լրատվամիջոցները։
Ադրբեջանի ԱԳՆ-ն հաղորդում է, որ հանդիպումից առաջ երկկողմ խորհրդակցություններ են տեղի ունեցել Ռուսաստանի նախագահի հատուկ ներկայացուցիչ Միխայիլ Պետրակովի և Ադրբեջանի նախագահի սահմանային և Կասպից ծովի հարցերով հատուկ ներկայացուցիչ Խալաֆ Խալաֆովի գլխավորած պատվիրակության միջև։
Հանդիպման ընթացքում կողմերը մտքեր են փոխանակել Կասպից ծովի իրավական կարգավիճակի մասին կոնվենցիայի կատարման, Կասպիյան հաջորդ գագաթնաժողովի նախապատրաստման, մերձկասպյան երկրների միջև այս ոլորտում համագործակցության վերաբերյալ համաձայնագրերի նախագծերի շուրջ։
Բայրամովի հետ հանդիպամնը քննարկվել են կասպյան հիմնախնդրի շուրջ համագործակցության հարցեր, ինչպես նաև Հայաստանի, ՌԴ-ի ու Ադրբեջանի ղեկավարների եռակողմ հայտարարությունների կատարման ընթացքը, այդ թվում՝ Հայաստանի ու Ադրբեջանի սահմանների դեմարկացիան և դելիմիտացիան ու տարածաշրջանում հաղորդակցությունների բացումը։
Էմմա Չոբանյան
