29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ժողովրդին անվանեցին «ժեխեր», իսկ հիմա ասում են՝ «սիրելի հայրենակիցներ». Ասլանյանը՝ ընդդիմությանը
Քաղաքականություն
28.04.2022 | 18:00
Ընդդիմության կողմից իշխանությանն ու անձամբ վարչապետին ուղղված քննադատություններն անհիմն են։ Այսօր խորհրդարանում՝ Factor TV-ի հետ զրույցում, այս տեսակետը հայտնեց իշխող ուժի պատգամավոր Հակոբ Ասլանյանը։
«Օրինակ՝ ասում են, որ վարչապետը գերիներին չի վերադարձնում։ Ես չգիտեմ՝ կա՞ մի մարդ, որը չի ուզում՝ գերիները վերադառնան»,-հայտարարեց Ասլանյանը։
Նա կարծում է, որ ընդդիմադիր ուժերն անկեղծ չեն՝ իշխանափոխության համար մղվող պայքարում. «Ժողովրդին անվանեցին «ժեխեր», իսկ հիմա ասում են՝ «սիրելի հայրենակիցներ»։ Եթե Արցախի խնդիրը լուծվի, ռևանշիստների ամբողջ խոսելու նյութը կոչնչանա»։
Պատգամավորը վստահ է՝ ընդդիմադիրների միակ նպատակն իշխանության հասնելն է։
Մանրամասները՝ տեսանյութում։
Մերի Մարտիրոսյան
