17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
Կկայանա ԼՂ հարցով եռակողմ աշխատանքային խմբի հանդիպումը
Քաղաքականություն
28.04.2022 | 19:17
Առաջիկայում կկայանա ԼՂ հարցով եռակողմ աշխատանքային խմբի հանդիպումը՝ Ռուսաստանի, Հայաստանի և Ադրբեջանի փոխվարչապետների համանախագահությամբ։ Մինչ այս շաբաթվա վերջ շփումներ են նախատեսվում նաև Բաքվում՝ արտաքին գործերի նախարարության միջոցով։
Այս մասին հինգշաբթի օրը կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովայի խոսքով՝ Ռուսաստանն ամենաբարձր մակարդակով ձեռք բերված եռակողմ համաձայնագրերը դիտարկում է որպես հայ-ադրբեջանական հարաբերությունների կարգավորման գործընթացն առաջ մղելու հիմք և շարունակում է ակտիվորեն աշխատել Բաքվի և Երևանի հետ բոլոր ուղղություններով, ներառյալ՝ տնտեսական և տրանսպորտային կապերի ապաշրջափակումը, հայ-ադրբեջանական սահմանի սահմանազատման գործընթացի մեկնարկն ու խաղաղության պայմանագրի կնքումը։
«Հաղորդակցությունների ապաշրջափակման հարցերը քննարկվել են (փոխվարչապետ Ալեքսեյ) Օվերչուկի և (Ադրբեջանի նախագահ Իլհամ) Ալիևի հանդիպման ժամանակ, որը տեղի է ունեցել ապրիլի 26-ին։ Հայկական և ադրբեջանական կողմերի հետ նաև պայմանավորվածություն է ձեռք բերվել առաջիկայում անցկացնել եռակողմ աշխատանքային խմբի հերթական հանդիպումը՝ փոխվարչապետերի համանախագահությամբ։ Ինչ վերաբերում է սահմանային հարցերին, ապա Բաքվում ԱԳՆ-ի միջոցով շփումներ են նախատեսվում մինչեւ այս շաբաթվա վերջ»,- ասել է Զախարովան։
Տաթև Ֆռանգյան
