08.06.2026 | 13:15
Ուկրաինական ԱԹՍ-ն Ղրիմում հարվածել է Մոսկվա-Սիմֆերոպոլ գնացքին
Տեղի է ունեցել հաշմանդամություն ունեցող անձանց հարցերով զբաղվող ազգային հանձնաժողովի նիստը
Հասարակություն
28.04.2022 | 18:27
Աշխատանքի և սոցիալական հարցերի նախարարի տեղակալ Տաթևիկ Ստեփանյանի գլխավորությամբ՝ տեղի է ունեցել հաշմանդամություն ունեցող անձանց հարցերով զբաղվող ազգային հանձնաժողովի ընդլայնված նիստը, որին մասնակցել են շահագրգիռ մի շարք գերատեսչությունների և կազմակերպությունների ներկայացուցիչներ․ տեղեկացնում են Աշխատանքի և սոցիալական հարցերի նախարարությունից։
Նիստի օրակարգն ընդգրկել է զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության սոցիալական ներառման միջոցառումների ծրագրի առաջին եռամսյակում իրականացված աշխատանքների ամփոփումը։ Ներկայացվել և հաստատվել է նաև հաշմանդամություն ունեցող անձանց հարցերով զբաղվող Երևանի քաղաքային հանձնաժողովի գործունեության կարգը:
Տաթևիկ Ստեփանյանը, ներկայացնելով 2020 թ․ պատերազմի ընթացքում հաշմանդամություն ձեռք բերած զինծառայողներին ուղղված նախարարության կողմից իրականացվող ծրագրերն, ընդգծել է վերջիններիս սոցիալական ներառման ապահովման կարևորությունը։
«Զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության սոցիալական ներառման միջոցառումների ծրագրի իրականացման գործընթացում նախարարությունը կարևորում է Երևանում և մարզերում անկախ կյանքի կենտրոնների ստեղծումը։ Միաժամանակ, տարբեր հիմնադրամների և կազմակերպությունների հետ ստորագրված փոխհամագործակցության հուշագրերը նպատակ ունեն նպաստել հաշմանդամություն ունեցող անձանց մասնագիտական հմտությունների զարգացմանն ու զբաղվածության ապահովմանը»,- նշել է նախարարի տեղակալը։
Նիստի ընթացքում մասնակիցները ներկայացրել են զինվորական ծառայության ժամանակ հաշմանդամություն ձեռք բերած անձանց իրավունքների պաշտպանության սոցիալական ներառման միջոցառումների ծրագրի առաջին եռամսյակում իրենց կողմից իրականացված աշխատանքների արդյունքները։ Քննարկումը շարունակվել է հարցուպատասխանի ձևաչափով։
