08.06.2026 | 18:10
ԲՀԿ-ն պնդում է՝ իրենց ձայները նվազեցվել են // ԵՄ-ն հերթական վարկը կտա Ուկրաինային. ԼՈՒՐԵՐ
Ադրբեջանը հայկական Շուշիում միջազգային համաժողով է անցկացնում տարբեր երկրներից փորձագետների մասնակցությամբ
Քաղաքականություն
28.04.2022 | 15:35
Ադրբեջանի իշխանություններն Արցախի գրավյալ Շուշիում հերթական քարոզչական միջոցառումն են անցկացնում։ Տեղական լրատվամիջոցների հաղորդմամբ՝ Շուշիում անցկացվում է «Հարավային Կովկաս․ զարգացում և համագործակցություն» միջազգային համաժողովը։
Նշվում է, որ այն կազմակերպել են Ադրբեջանի միջազգային հարաբերությունների վերլուծության կենտրոնը և ADA համալսարանը։ Ֆորումին մասնակցում են շուրջ 50 արտասահմանյան վերլուծական կենտրոնների փորձագետներ, հետազոտողներ և ԶԼՄ-ի ներկայացուցիչներ ավելի քան 20 երկրից։ Ըստ լրատվամիջոցների՝ ժամանել են փորձագետներ ԱՄՆ-ից, Մեծ Բրիտանիայից, Շվեդիայից, Իտալիայից, Ֆրանսիայից, Ռումինիայից, Թուրքիայից, Վրաստանից և մի շարք այլ երկրներից։
Մասնակիցները նախ ինքնաթիռով ժամանել են Վարանդա, այնուհետև ուղևորվել Շուշի։
Պանելային քննարկումների շրջանակում մասնակիցներն անդրադարձել են Արցախի գրավյալ տարածքներում, այդ թվում՝ Շուշիում, ենթակառուցվածքների վերականգնման հարցին։ Քննարկման թեմաների թվում են նաև տարածաշրջանում կայուն խաղաղության հաստատումը և հետկոնֆլիկտային տարածաշրջանային համագործակցության հնարավորության հարցերը։
Էմմա Չոբանյան
