09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Եթե նոր համակարգը ստացվի պաշտպանել կոռուպցիոն ռիսկերից, գուցե արժանավոր մարդիկ ընտրվեն դպրոցի տնօրեն․ Կրթության փորձագետ
Հասարակություն
28.04.2022 | 15:15
«Դրոցական խորհուրդները ձևական բնույթ են կրում. այս իրավիճակում ԿԳՄՍ-ն ուներ երկու ճանապարհ՝ կա՛մ փորձել զարգացնել խորհուրդները՝ հավատալով, որ դա տնօրենի ընտրության ավելի մասնակցային և ժողովրդավարական տարբերակ է, կա՛մ գնալ այլ ճանապարհով՝ նախարարությունը որոշեց գնալ երկրորդ ճանապարհով»,- այս մասին «Դպրոցի տնօրենը ոչ թե կընտրվի, այլ կնշանակվի. կամայական ու քաղաքականացված որոշումը կբացառվի՞» թեմայով քննարկմանը նշեց կրթության փորձագետ Սերոբ Խաչատրյանը:
Փորձագետի դիտակմամբ՝ եթե նոր համակարգը հնարավոր լինի պաշտպանել կոռուպցիոն ռիսկերից, գուցե արժանավոր մարդիկ ընտրվեն դպրոցի տնօրեն։
«Ենթադրում եմ, որ եթե ոչ թե դպրոցական խորհուրդն է վերջնական քվեարկություն անելու, այլ մասնագիտական խուրհուրդը, հնարավոր է, որ այդ խորհրդի անդամները մասնագիտական տեսանկյունից կարողանան որոշել, թե որ թեկնածուներն են առավել արժանի տնօրենի պաշտոնը զբաղեցնելու:
Բայց հաշվի առնելով հայկական իրականության գործոնը՝ ենթադրում եմ, որ կարող են նաև լինել ճնշումներ մասնագիտական խորհրդի վրա՝ այս կամ այն թեկնածուին ընտրելու հարցով: Նախարարությունը պետք է այնպիսի մեխնիզմներ մշակի, որոնք անձերից կախված չլինեն»,- նշեց Խաչատրյանը:
Մանրամասները՝ տեսանյութում:
