08.06.2026 | 14:30
Ուկրաինայի Գերագույն ռադայի նախագահը շնորհավորել է Ալեն Սիմոնյանին ընտրություններում տարած հաղթանակի առիթով
ՌԴ տարածքում արգելափակվել է Ադրբեջանի նախագահի աշխատակազմին պատկանող լրատվական կայքի գործունեությունը
Քաղաքականություն
28.04.2022 | 15:26
Ռուսաստանն իր տարածքում արգելափակել է ադրբեջանական ևս մեկ կայքի, այս անգամ՝ Caliber.az-ի հասանելիությունը։ Ադրբեջանական լրատվամիջոցները հաղորդում են, որ որոշումը կայացրել է Ռուսաստանի կապի, տեղեկատվական տեխնոլոգիաների և զանգվածային հաղորդակցությունների վերահսկման դաշնային ծառայությունը՝ Ռոսկոմնադզորը։
Այս մասին նախապես տեղյակ չի պահվել և չի ծանուցվել կայքի խմբագրությանը։
Ադրբեջանում այս որոշումը, իհարկե, բողոքի ալիք է բարձրացրել, Բաքվում այն համարում են կանխակալ և անօրինական։
Նշենք, որ Caliber.az-ը գործում է երեք լեզուներով՝ ադրբեջաներեն, ռուսերեն ու հայերեն։ Տարբեր տեղեկություններով՝ կայքը պատկանում է Ադրբեջանի նախագահի աշխատակազմին, հակահայկական քարոզչության ամենակատիվ դերակատարներից է։ Բացի այդ, այն նաև ակտիվ հակառուսական քարոզչությամբ է զբաղվում, հատկապես, Արցախում տեղակայված ռուս խաղաղապահ զորախմբի դեմ։
Հիշեցնենք՝ ավելի վաղ Ռոսկոմնադզորն արգելափակել էր ադրբեջանական իշխանությունների խոսափող haqqin․az, minval․az, oxu․az, musavat․com, baku. Ws կայքերի հասանելիությունը։
Էմմա Չոբանյան
