17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Սպասում ենք` հաջորդ պայթյունի լուրը երբ ենք լսելու. Փաշինյանը`մեքենաների գազաբալոնների խնդրի մասին․ ՏԵՍԱՆՅՈՒԹ
Տեսանյութեր
28.04.2022 | 12:27
Կառավարության այսօրվա նիստում որոշվեց 23,4 մլն դրամ հատկացնել ավտոտրանսպորտային միջոցների վրա գազաբալոնային սարքավորումների տեղադրման և պարբերական վկայագրման գործընթացի ավտոմատացված համակարգի ներդրման նպատակով:
Տարածքային կառավարման և ենթակառուցվածքների նախարար Գնել Սանոսյանը նշեց, որ համակարգը կսկսի գործել օգոստոսի 1-ից. «Հայաստանում բոլոր սեղմված գազով և հեղուկ գազով մեքենաների սարքավորումները պետք է առնվազն 2 տարին մեկ ստուգվեն: Կան որոշ տեսակի բալոններ, որնք կարելի է երեք տարին մեկ ստուգել:
Վարչապետ Նիկոլ Փաշինյանը նկատեց, որ գազով աշխատող հսկայական քանակ կա ՀՀ-ում և ժամանակ առ ժամանակ սպասում են, թե հաջորդ պայթյունի լուրը երբ կլսեն. «Պարտավոր ենք ապահովել քաղաքացիների անվտանգությունը: Պարեկային ոստիկանությունը օնլայն, երբեմն նույնիսկ առանց մեքենան կանգնեցնելու կարող է ստուգել՝ այդ մեքենայի վրա կա՞ համապատասխան վկայական, թե ոչ, գազաբալոնը լիցենզավորված է, թե ոչ: Սրանով նվազագույնի կհասցնենք պատահարները»:
Սանոսյանը նշեց, որ դիմելու պահից 23 օրվա ընթացքում նախարարությունը լիցենզա պետք է տա, սակայն դրանք կարող են տալ ավելի շուտ. «Իհարկե, մենք շուկայում գին թելադրող չենք, բայց այս պահին քաղաքացու համար 8-12 հազար դրամ արժե այս ծառայությունը»:
Նշվեց նաև որ օգոստոսի 1-ից հետո այն մեքենաները, որոնց գազաբալոնները վկայագրում չեն անցել, նրանք չեն կարող լիցքավորվել ԱԳԼՃԿ-ներում:
Մանրամասները՝ տեսանյութում:
