12.12.2024 | 12:42
Պաշտպանը հրապարակեց ԱԱԾ պետի տեղակալի և Ռուբեն Վարդազարյանի միջև խոսակցությունների բովանդակությունը․ ՏԵՍԱՆՅՈՒԹ
«Դիմադրություն» շարժման անդամները երթ են սկսել Ապարանից և Սարդարապատից
Քաղաքականություն
28.04.2022 | 12:08
Մոտ երկու տասնյակ քաղաքացիներ այսօր երթ են սկսել Արագածոտնի մարզի Ապարան քաղաքից։ Նրանք շարժվում են դեպի Երևան՝ միանալու «Դիմադրություն» շարժման մյուս անդամներին։ Երթին միացել է ԱԺ «Հայաստան» խմբակցության պատգամավոր Արթուր Խաչատրյանը։ Քաղաքացիների մի խումբ էլ երթ է իրականացնում Արմավիրի մարզի Սարդարապատ գյուղից։
Նշենք, որ երեք օր առաջ էլ նման մի երթ է մեկնարկել Իջևան քաղաքից։ Երեկ երթի մասնակիցները հասել էին Ծովագյուղ։ Ապրիլի 26-ին երթ էր սկսվել նաև Արարատի մարզի Տիգրանաշեն գյուղից։
Ընդդիմադիր ուժերը մայրաքաղաքում նույնպես շարունակում են բողոքի գործողությունները՝ իշխանափոխության հասնելու օրակարգով։ Նրանք հայտարարել են, որ երթով Երևան եկողները միանալու են իրենց և մայիսի 1-ին մեծ հանրահավաք են իրականացնելու։
Մերի Մարտիրոսյան
