21.07.2026 | 13:15
Սարիկ Մինասյանը դադարեցրել է Գյումրու ավագանու անդամի լիազորությունները
Հարձակվել են «Անտարես» հրատարակչության տնօրեն Արմեն Մարտիրոսյանի վրա, փորձել հարվածել
Հասարակություն
27.04.2022 | 23:03
Համացանցում տեղեկություններ են տարածվել, որ այսօր երեկոյան Երևանի Լեո-Պարոնյան փողոցների խաչմերուկում հակաիշխանական ակցիայի մասնակիցները հարձակվել ու ծեծի են ենթարկել «Անտարես» հրատարակչության տնօրեն Արմեն Մարտիրոսյանին։
Տեղեկությունը ճշտելու համար Factor TV-ն կապ հաստատեց «Անտարես» հրատարակչության տնօրեն Արմեն Մարտիրոսյանի հետ։ Նա մեզ հետ զրույցում հաստատեց տեղեկությունը, որ իր վրա հարձակում է եղել։
«Ինձ ծեծի չեն ենթարկել, հարձակվել են, փորձել են հարվածել։ Հիմա Ոստիկանությունում եմ»,- նշեց Մարտիրոսյանը։
Հավելյալ տեղեկություններ ստանալու համար փորձեցինք կապ հաստատել նաև Ոստիկանության հետ, որտեղից խոստացան հարցերին պատասխանել առավոտյան։
Անժելա Պողոսյան
