20.08.2026 | 22:39
Պերուում 6,6 մագնիտուդով երկրաշարժ է գրանցվել
Բայրամովը հայտարարել է, որ Բաքուն պատրաստ է Երևանի հետ սահմանի դելիմիտացիային
Քաղաքականություն
27.04.2022 | 14:25
Բաքուն պատրաստ է Երևանի հետ սահմանի դելիմիտացիայի գործընթաց սկսել։ Այս մասին հայտարարել է Ադրբեջանի ԱԳ նախարար Ջեյհուն Բայրամովը Բաքվում Վրաստանի ԱԳ նախարար Իլյա Դարչիաշվիլի հետ մամուլի ասուլիսի ժամանակ, գրում են տեղական լրատվամիջոցները։
Բայրամովը հայտարարել է, որ իր վրացի գործընկերոջ հետ քննարկել է տարածաշրջանային գործընթացները, այդ թվում՝ Հայաստանի հետ հնարավոր խաղաղության պայմանագրի ստորագրումը։
«Ադրբեջանը պատրաստ է Հայաստանի հետ սահմանի դելիմիտացիային։ Հայաստանի գործընկերոջ հետ հեռախոսազրույցում քննարկվել է սահմանների դելիմիտացիայի համատեղ հանձնաժողովի աշխատանքների մեկնարկի հարցը»,- ասել է Բայրամովը։
Նա նշել է, որ առաջնահերթություն է տարածաշրջանում տրանսպորտային հաղորդակցությունների բացումը, և որ «Հայաստանի ու Ադրբեջանի հարաբերություների կարգավորումը կծառայի Հարավային Կովկասի բոլոր երկրների շահերին»։
Ադրբեջանի և Վրաստանի ԱԳ նախարարները բանակցություններում քննարկել են նաև Ուկրաինայում տիրող իրավիճակը։
Էմմա Չոբանյան
