10.10.2026 | 10:55
Ռոնալդուն 980-րդ գոլն է խփել կարիերայում. ՏԵՍԱՆՅՈՒԹ
Հայոց ցեղասպանության 107-րդ տարելիցին նվիրված ոգեկոչման արարողություն` Մեքսիկայի Սենատի լիագումար նիստի ընթացքում
Քաղաքականություն
27.04.2022 | 09:55
Ապրիլի 26-ին Մեքսիկայի Սենատի լիագումար նիստի ընթացքում կայացավ Հայոց ցեղասպանության 107-րդ տարելիցին նվիրված ոգեկոչման արարողություն: Այս մասին հայտնում են Մեքսիկայում ՀՀ դեսպանությունից:
Սենատոր Ալեխանդրա Լեոնը հանդես եկավ ելույթով, որում նշեց Օսմանյան կայսրությունում իրագործված հայ բնակչության կոտորածների մասին՝ հորդորելով մեքսիկական Սենատին ու կառավարությանը ճանաչել Հայոց ցեղասպանությունը:
Սենատի նախագահ Օլգա Սանչեսի հրավերով ներկաները մեկ րոպե լռությամբ հոտնկայս հարգեցին Հայոց ցեղասպանության զոհերի հիշատակը: Նիստից հետո տեղի ունեցած մամլո ասուլիսի ընթացքում Հայաստանի դեսպան Արմելլա Շաքարյանը շեշտեց, որ անցյալի ցեղասպանությունների ճանաչումը և ոգեկոչումը առանցքային նշանակություն ունի աշխարհի որևէ անկյունում նմանօրինակ ոճրագործության կրկնության կանխարգելման համար։
Դեսպանը նշեց, որ հայոց ցեղասպանության անպատժելիությունն այսօր ոգեշնչում է միջազգային նոր հանցանքներ ծրագրողներին։ 2020թ․ սեպտեմբերին Ադրբեջանի կողմից Լեռնային Ղարաբաղի դեմ սանձազերծած պատերազմը, որն ուղեկցվում էր հանցագործություններով և էթնիկ զտումներով, ի ցույց դրեց, որ նախկինում իրականացված հանցագործությունների անպատժելիությունն անդառնալի հետևանքներ կարող է ունենալ։
