18.05.2026 | 11:13
Գնաճային իրավիճակը, որը աշխարհում ստեղծվել է, ազդելու է նաև Հայաստանի վրա․ ԿԲ նախագահ․ ՏԵՍԱՆՅՈՒԹ
ՆԱՏՕ-ի Գլխավոր քարտուղարի հատուկ ներկայացուցիչն այցելել է ՀՀ ԱԳՆ
Քաղաքականություն
26.04.2022 | 19:41
Ապրիլի 26-ին ԱԳ նախարարի տեղակալ Վահե Գևորգյանն ընդունել է Կովկասում և Կենտրոնական Ասիայում ՆԱՏՕ-ի Գլխավոր քարտուղարի հատուկ ներկայացուցիչ Խավիեր Կոլոմինա Պիրիսին:
Կողմերը քննարկել են Հայաստան-ՆԱՏՕ համագործակցության օրակարգային հարցեր: Անդրադարձ է կատարվել հայկական խաղաղապահ ստորաբաժանումների շարունակական ներգրավվածությանը միջազգային խաղաղապահ առաքելություներին՝ այդ թվում ՆԱՏՕ-ի հովանու ներքո:
Հանդիպման ընթացքում քննարկվել են միջազգային և տարածաշրջանային անվտանգությանը վերաբերող հարցեր: Նախարարի տեղակալը զրուցակցին է ներկայացրել Ադրբեջանի գործողությունների հետևանքով տարածաշրջանային խաղաղաղության և անվտանգության համար ստեղծված սպառնալիքները: Այս համատեքստում շեշտվել է ԵԱՀԿ Մինսկի խմբի համանախագահության դերակատարումը Լեռնային Ղարաբաղի հակամարտության խաղաղ գործընթացի առաջմղման գործում։
