20.04.2026 | 14:56
Վարչապետը ներկա է գտնվել Արթուր Աբրահամի անվան մանկապատանեկան մարզահամալիրի հիմնարկեքի արարողությանը
Փողոցում քրդերեն երգելու համար Թուրքիայի ոստիկանությունը քաղաքացու է ձերբակալել
Հասարակություն
26.04.2022 | 17:51
Թուրքիայի Վան նահանգում քաղաքացու են ձերբակալել քրդերեն երգելու համար։ Այս մասին հայտնում են տեղական լրատվամիջոցները։ Նշվում է, որ տեսնելով պողոտայում քրդերեն երգող տղամարդուն, ոստիկանությունը կանգնեցրել է նրան ու ցանկացել ինքնությունը ստուգել Ընդհանուր տեղեկատվության հավաքման համակարգի միջոցով։
Քաղաքացին, ում անունը չի նշվում, չի ցանկացել իր նույնականացման քարտը ցույց տալ, ինչին ի պատասխան ոստիկանները դաժան ծեծի են ենթարկել նրան ու ձերբակալել։
Մոտակայքում գտնվող մի քանի քաղաքացիներ արձագանքել են միջադեպին, արդյունքում՝ նրանք ևս ձերբակալել են։ Սոցցանցերում տարածված տեսանյութում երևում է, որ ոստիկանությունը քաղաքացուն ձեռնաշղթաներ է հագցնում ու մի քանի րոպե ծեծում նրան։ Տղամարդուն ու մնացած ձերբակալվածներին տարել են Վանի նահանգային ոստիկանության վարչություն հարցաքննության համար։
Էմմա Չոբանյան
