Արդարացում կամ նոր քննություն. Վահան Բադասյանի դատավճռի մասով վերաքննիչ բողոք է ներկայացվել

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

Արցախի նախագահի հատուկ հանձնարարությունների գծով ներկայացուցիչ Վահան Բադասյանի գործով այսօր բողոք է ներկայացվել Վերաքննիչ քրեական դատարան։ Հիշեցնենք՝ շաբաթներ առաջ Երևան քաղաքի ընդհանուր իրավասության դատարանի դատավոր Կարեն Ֆարխոյանը Բադասյանին մեղավոր ճանաչեց առաջադրված մեղադրանքում և դատապարտեց 300.000 դրամ տուգանքի։ Պաշտպանական կողմը, մինչդեռ, համաձայն չէ վճռի հետ։ 

Factor.am-ի հետ զրույցում Բադասյանի պաշտպան Արայիկ Պապիկյանն ասաց՝ քրեական գործում առկա նյութերը վկայում են, որ Վահան  Բադասյանն իրեն վերագրվող ենթադրյալ գործողություններից և ոչ մեկը չի կատարել։

«Ըստ էության, Վահան Բադասյանի խոսքը կարող է տեղավորվել սպառնալիք հնչեցնելու հոդվածի տակ, այլ ոչ թե սահմանադրական կարգը տապալելու։ Լրագրողների հարցին ի պատասխան՝ նա չի տվել իշխանությունը վերցնելու հրաման, եղել է ենթադրաբար սպառնալիք, որը բոլորովին այլ արարք է»,- նշում է Պապիկյանը։

Հիշեցնենք՝ Վահան Բադասյանը մեղադրվում էր Քրեական օրենսգրքի 301-րդ հոդվածով՝ իշխանությունը զավթելուն, տարածքային ամբողջականությունը խախտելուն կամ սահմանադրական կարգը բռնի տապալելուն ուղղված հրապարակային կոչերը: Ըստ մեղադրանքի՝ 2021 թվականի հունվարի 28-ին «Եռաբլուր»-ում լրագրողների հետ զրույցի ընթացքում Բադասյանը քննադատել է Փաշինյանին, կարծիք հայտնել, որ նա պետական կառավարումից ոչինչ չի հասկանում, միայն ստելուց և ուտելուց է հասկանում, դիրքորոշում է հայտնել, որ Փաշինյանը պետք է հեռանա: Լրագրողի հարցին, թե հեռացնելու ի՞նչ ճանապարհներ կան, Բադասյանը պատասխանել է, թե ճանապարհները տարբեր են՝ ընդհուպ ֆիզիկապես հեռացնելը։

«Այսինքն՝ դա ենթադրում է, որ թշնամուն մենք պետք է վերացնենք»,- ասել էր Բադասյանն ու լրագրողի հստակեցնող հարցին՝ նաև զենքի՞ միջոցով, պատասխանել․ «Այո՛, նաև զենքի միջոցով… Այո՛, ես սպառնալիքի կոչեր եմ անում և գիտակցաբար եմ անում, թող ԱԱԾ-ն ինձ ձերբակալի»:  

Նա նույն օրը բերման էր ենթարկվել ԱԱԾ, ձերբակալվել, ապա՝ կալանավորվել: Երկու շաբաթ կալանավայրում մնալուց հետո Բադասյանի խափանման միջոցը փոխվել էր, նա ազատ էր արձակվել կալանքից:

Ըստ պաշտպանական կողմի՝ դատարանը պետք է առաջադրված մեղադրանքում կա՛մ արդարացնի Բադասյանին, կա՛մ գործն ուղարկի Առաջին ատյանի դատարան՝ նոր քննության։

«Մեղադրանքը որևէ ձևով չի առնչվում Վահան Բադասյանի արտահայտած մտքի հետ, ինչն իրավաբանական լուրջ խնդիր է առաջացնում։ Դատավճիռն ամբողջությամբ արտացոլում էր մեղադրական կողմի դիրքորոշումը, ավելին՝ դատական ակտի պատճառաբանված մասն ամբողջովին մեղադրական ճառն էր, որևէ տեղ չէր նշվել պաշտպանական կողմի ներկայացրած անգամ մեկ պարզաբանում»,- նշում է Արայիկ Պապիկյանը։

Նշենք՝ Վահան Բադասյանն ինչպես նախաքննական ցուցմունքներում, այնպես էլ դատարանում չի ընդունել իրեն առաջադրված մեղադրանքը՝ այն որակելով «ծիծաղելի»։

Ռոզա Վարդանյան