19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Թեհրանում սպասվում է Իրանի, Թուրքիայի և Ադրբեջանի ԱԳ նախարարների հանդիպումը
Քաղաքականություն
25.04.2022 | 21:13
Թեհրանում տեղի է ունենալու Իրանի, Ադրբեջանի և Թուրքիայի ԱԳ նախարարների հերթական հանդիպումը։ Այս մասին այսօր հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն, գրում են ադրբեջանական լրատվամիջոցները։
«Իրանի, Ադրբեջանի և Թուրքիայի ԱԳ նախարարների հաջորդ հանդիպումը տեղի կունենա Թեհրանում»,- ասել է Խաթիբզադեն՝ հավելելով, որ Բաքուն և Թեհրանը մի շարք համատեղ նախագծեր են մշակել։
«Վերջին 10 ամիսների ընթացքում երկու երկրների միջև պայմանավորվածություն է ձեռք բերվել բազմաթիվ համատեղ նախագծերի վերաբերյալ։ Հուսով եմ, որ մոտ ապագայում մենք ականատես կլինենք դրանց իրականացմանը»,- ընդգծել է նա։
Իրանցի պաշտոնյան նաև նշել է, որ սպասվում են երկու երկրների պաշտոնյաների փոխադարձ հանդիպումներ, արդեն համապատասխան հրավերներ են ուղարկվել։
«Օրակարգում ինչպես նախարարների, այնպես էլ այլ պաշտոնյաների փոխադարձ այցերն են։ Հուսով ենք, որ այս այցերը կարագացնեն ձեռք բերված պայմանավորվածությունների իրականացումը»,- ասել է Իրանի ԱԳՆ ներկայացուցիչը։
Էմմա Չոբանյան
