09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայի նախկին փոխվարչապետ Ալի Բաբաջանը բուռն քննադատությունների է ենթարկվել Հայոց ցեղասպանության մասին գրառման համար
Քաղաքականություն
25.04.2022 | 17:37
Թուրքիայի ընդդիմադիր «Ժողովրդավարություն ու առաջընթաց» (DEVA) կուսակցության նախագահ, նախկին փոխվարչապետ և նախկին ԱԳ նախարար Ալի Բաբաջանը՝ Հայոց ցեղասպանության 107-րդ տարելիցին նվիրված հայտարարությունը բուռն արձագանք և քննադատություններ է առաջացրել Թուրքիայում։
Բաբաջանը, մասնավորապես, թվիթերյան միկրոբլոգում գրել է, որ իրենք «չեն հանդիսանում անցյալի տառապանքների մեղավորը, և ինքը հարգում է զոհված հայերի հիշատակը»։
«Մենք անցյալի տառապանքների համար մեղավոր չենք։ Բոլորս պետք է լինենք անատոլցիներ, որոնք փորձում են բուժել միմյանց վերքերը փոխըմբռնման միջոցով։ Դրա հետ կապված ես հասկանում են այն ցավը, որն այսօր խորապես ապրում է հայ ժողովուրդը, և հարգում եմ 1915 թվականին զոհված օսմանցի հայերի հիշատակը»,-գրել է Ալի Բաբաջանը։
Չնայած իր գրառման մեջ Բաբաջանը ցեղասպանություն բառը չի օգտագործել, այնուամենայնիվ, նրա հայտարարությունը բավական բուռն արձագանք է ստացել և ակտիվորեն քննարկվում է Թուրքական մամուլում և սոցիալական ցանցերում։
Էմմա Չոբանյան
