19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Բողոքի ակցիայի չորս մասնակից բերման է ենթարկվել Վաղարշյան-Կոմիտաս խաչմերուկից
Քաղաքականություն
25.04.2022 | 16:26
Ոստիկանությունը մայրաղաքաղաքի Վաղարշյան-Կոմիտաս խաչմերուկից բերման է ենթարկել չորս քաղաքացու։ Նրանցից ոմանք բարձրացել էին ավտոբուսի վրա՝ պարզելով կարմիր պաստառ, որի վրա գրված է եղել՝ «Սկսվել ա», մի քանի երիտասարդներ էլ կարճ ժամանակով փակել են Կոմիտասի պողոտան։
Ինչպես Factor.am-ին հայտնեց ՀՀ ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը՝ քաղաքացիները բերման են ենթարկվել Վարչական իրավախախպտումների վերաբերյալ օրենսգրքի 182 հոդվածով նախատեսված արարքի համար՝ ոստիկանների օրինական պահանջը չկատարելու համար։
Հիշեցնենք՝ ավելի վաղ ՀՀ ԱԺ փոխխոսնակ, ՀՅԴ-ական Իշխան Սաղաթելյանը տեղեկացրել էր, որ ապրիլի 25-ից սկսում են գործողություններ և նշել, որ ՀՀ 4 խորհրդանշական վայրերից ընդդիմության համախոհները երթով գալու են մայրաքաղաք: Այսօր Իջևանից էլ մեկնարկել ընդդիմության մի քանի համախոհների երթը դեպի Երևան:
Սաղաթելյանը նաև տեղեկացրել էր, որ Երևանում նույնպես կիրականացնեն ամենօրյա իրազեկման երթեր, ակցիաներ:
Ռոզա Վարդանյան
