16.01.2025 | 15:03
Փաշինյանը Դավոս կմեկնի, Փարաքարում մարտի 31-ին արտահերթ ընտրություններ կանցկացվեն․ ԼՈՒՐԵՐ
Որո՞նք են ամենափակ կառույցները․ ԽԱՊԿ ղեկավարը հիշեցրեց, վարչապետը, ՊՆ-ն դեռևս խոսնակներ չունեն․ ՏԵՍԱՆՅՈՒԹ
Հասարակություն
25.04.2022 | 14:29
«Մտահոգիչ է այն, որ օրենքով սահմանված կարգը պետական մարմին- լրատվամիջոց հարաբերություններում չի պահպանվում»,- «ԽԱՊԿ 2022թ. առաջին եռամսյակային զեկույցը` Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների մասին» թեմայով քննարկման ժամանակ այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը:
Նա նաև ընդգծեց, որ լրագրողները շատ դժվարությամբ են պետական մարմիններից տեղեկատվություն ստանում, թեև միշտ չէ, որ հարցերը պետական գաղտնիք են պարունակում:
Մելիքյանի հավաստմամբ՝ ամենաշատ դժգոհությունները Պաշտպանության նախարարությունից են: Նրա խոսքով՝ ՊՆ-ն, որպես կանոն, գրեթե ամեն հարցի մեջ գաղտնիք է տեսնում և չի հիմնավորում, թե որ մասով:
ԽԱՊԿ ղեկավարը հիշեցրեց, որ ՊՆ-ն և վարչապետը դեռևս խոսնակներ չունեն:
Մելիքյանի խոսքով՝ տեղեկատվության տրամադրման առումով շատ վատ է աշխատում նաև էկոնոմիկայի նախարարությունը:
ԽԱՊԿ ղեկավարն ընդգծեց, որ պետական մարմինները պետք է շեշտակի բարելավեն իրենց աշխատանքը տեղեկատվություն տրամադրելու առումով:
Մանրամասները՝ տեսանյութում:
