17.12.2025 | 20:11
Ռուսական զորքերը հարվածներ են հասցրել Զապորոժիեի բնակելի շենքերին. վիրավորել է 26 մարդ
Ալիևը Հայաստանի և Ադրբեջանի հարաբերությունների կարգավորումը քննարկել է ՌԴ ԱԳՆ հատուկ ներկայացուցչի հետ
Քաղաքականություն
25.04.2022 | 13:23
Ադրբեջանի նախագահ Իլհամ Ալիևն այսօր Բաքվում ընդունել է հայ-ադրբեջանական հարաբերությունների կարգավորման հարցով ՌԴ ԱԳՆ հատուկ ներկայացուցիչ Իգոր Խովաևին, որը ԵԱՀԿ Մինսկի խմբի ռուսաստանցի համանախագահն էր։
Ադրբեջանական լրատվամիջոցների հաղորդմամբ՝ հանդիպմանը քննարկվել են Հայաստանի և Ադրբեջանի միջև հարաբերությունների կարգավորման, երկու երկրների միջև սահմանների դեմարկացիայի և դելիմիտացիայի, ինչպես նաև ադրբեջանական կողմի առաջարկած 5 սկզբունքների հիման վրա խաղաղության պայմանագրի նախապատրաստման հարցերը։
Ալիևն ասել է, որ Ադրեջանը որոշել է սահմանների դեմարկացիայի ու դելիմիտացիայի, ինչպես նաև խաղաղության պայմանագրի նախապատրաստման համատեղ հանձնաժողովի կազմում իր ներկայացուցիչներին։ Նա հավելել է, որ Ադրբեջանը պատրաստ է բանակցությունների։
Հիշեցնենք՝ ավելի վաղ Ալիևը հայտարարել էր, թե Ադրբեջանը Հայաստանի հետ խաղաղության պայմանագիր կկնքի միայն ադրբեջանական կողմի առաջարկած 5 սկզբունքների հիման վրա, նաև սպառնալիքներ էր հնչեցրել։
Հավելենք, որ Բաքու է ժամանել նաև ԱՄՆ Պետքարտուղարության Կովկասի հարցերով ավագ խորհրդական Էնդրյու Շոֆերը, որը ԵԱՀԿ Մինսկի խմբի ամերիկացի համանախագահն է։
Էմմա Չոբանյան
