29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Աշխատանքներ են տարվում «3+3» հարթակի երկրորդ հանդիպումը կազմակերպելու ուղղությամբ․ ՌԴ ԱԳՆ
Քաղաքականություն
25.04.2022 | 12:51
Նախապատրաստական աշխատանքներ են ընթանում «3+3» հարթակի երկրորդ հանդիպումը կազմակերպելու համար, միաժամանակ, կողմերի համաձայնությամբ, Վրաստանի համար դռները բաց են մնում։ Այս մասին ՌԻԱ Նովոստիին տված հարցազրույցում ասել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Դենիս Գոնչարը։
«Այս պահին նախապատրաստվում է տարածաշրջանային խորհրդատվական «3+3» հարթակի երկրորդ նիստը: Նիստի անցկացման վայրի և ժամկետների մասին կհայտարարվի»,- ասել է Գոնչարը:
Հիշեցնենք՝ 3+3 խորհրդատվական տարածաշրջանային հարթակի առաջին հանդիպումը՝ Ռուսաստանի Դաշնության, Ադրբեջանի, Հայաստանի, Թուրքիայի փոխարտգործնախարարների և Իրանի ԱԳՆ գլխավոր տնօրենի համանախագահությամբ, տեղի է ունեցել 2021 թվականի դեկտեմբերին Մոսկվայում։ Ավելի վաղ Վրաստանի ԱԳՆ-ն հայտարարել էր, որ Թբիլիսին հրաժարվում է մասնակցել տարածաշրջանային խորհրդատվական մեխանիզմին։
Տաթև Ֆռանգյան
