06.10.2026 | 10:20
Արտարժույթների փոխարժեքները՝ հոկտեմբերի 6-ի դրությամբ
Ինչ բարեփոխումներ են կատարվել բանակում. փոխնախարարի մեկնաբանությունը
Քաղաքականություն
24.04.2022 | 11:51
«Օրհասական վիճակում չենք: Պաշտպանության նախարարությունում մեկնարկել են բարեփոխումները»,- Ծիծեռնակաբերդի հուշահամալիրում լրագրողների հետ զրույցում նշեց ՀՀ պաշտպանության փոխնախարար Արման Սարգսյանը՝ հավելելով, որ այն, ինչ արվում է, արվում է ուժեղ բանակ ունենալու համար:
Փոխնախարարի խոսքով՝ բնագծերի կահավորումը երկար ժամանակ պահանջող գործընթաց է: «Պատերազմի հետևանքով նոր բնագծեր, նոր զբաղեցրած դիրքեր կան, դրանց կահավորումը ժամանակ պահանջող պրոցես է, մեկուկես տարում ահռելի աշխատանք է իրականացվել թե՛ անվտանգային, թե՛ զինծառայողների սոցիալական խնդիրների լուծման ուղղությամբ»:
Պատասխանելով հարցին` նորմա՞լ է, որ Պաշտպանության նախարարությունը գույք է վաճառում, որպեսզի բանակն արդիականացնի, փոխնախարարը նշեց. «Գույքը ՀՀ գույքն է, ու ՊՆ-ը գտնում է, որ տվյալ պարագայում որևէ մեկին պետք չէ, գործածելու համար անարդյունավետ է»:
Հիշեցնենք՝ Կառավարության նիստի չզեկուցվող հարցերի փաթեթում ներառված էր նախագիծ, որով ՀՀ պաշտպանության նախարարությանը ամրագրված 71 անուն անշարժ գույք հանձնվում էր Պետական գույքի կառավարման կոմիտե։
Մանրամասները՝ տեսանյութում։
