16.01.2025 | 11:36
ՌԴ սահմանապահը կարող է օդանավակայանից կամ սահմանից հետ ուղարկել մարդուն․ Տաթևիկ Բեժանյան․ ՏԵՍԱՆՅՈՒԹ
Ոստիկանությունը հորդորում է ձեռնպահ մնալ նահատակների հիշատակի օրվա խորհրդին անհարիր գործողություններով մթագնելու փորձերից
Հասարակություն
23.04.2022 | 16:46
ՀՀ ոստիկանությունից տեղեկացնում են, որ ցեղասպանության զոհերի հիշատակին նվիրված միջոցառումների ընթացքում ոստիկանությունը ողջ ծավալով իրականացնելու է հասարակական կարգի ապահովմանն ուղղված իր գործառույթները:
«Ապահովվելու է մեր քաղաքացիների և հյուրերի անվտանգությունը ինչպես դեպի Ծիծեռնակաբերդ երթերի ընթացքում, այնպես էլ հուշահամալիրի տարածքում կայանալիք միջոցառումների ժամանակ:
Միևնույն ժամանակ ակնկալում ենք մեր համաքաղաքացիների աջակցությունն ու հորդորում ձեռնպահ մնալ նահատակների հիշատակի օրվա խորհրդին անհարիր գործողություններով մթագնելու փորձերից:
Ոստիկանությունը ունի բոլոր միջոցները՝ կանխելու մեր ինքնությանը խորթ և պատմական հիշողությունը վիրավորող դրսևորումները:
Ապրիլի 24-ին կրկին աշխարհին ներկայանանք որպես հինավուրց ու արժանապատիվ ժողովուրդ, որը սրբորեն է պահում նախնիների հիշատակը և վեր է համաժողովրդական ցավը մասնավոր նպատակների ծառայեցնելու գայթակղությունից»,- ասված է հաղորդագրության մեջ:
