19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Ալիևը հաղթել է, թելադրում է․ ինչո՞ւ հաղթած լինելով՝ ՀՀ-ն չթելադրեց, որ Արցախը քո տարածքը չէ․ Արամ Սարգսյան․ ՏԵՍԱՆՅՈՒԹ
Քաղաքականություն
22.04.2022 | 20:17
Արցախի անջատման փաստը ճանաչելու հարցում ՀՀ բոլոր իշխանությունները սխալվել են, երբ չեն գնացել այդ քայլին՝ անգամ Արցախյան առաջին պատերազմում հաղթելով։ Factor TV-ի հարցազրույցում Հայաստանի Դեմոկրատական կուսակցության ղեկավար Արամ Սարգսյանը կարծիք է հայտնում, որ եթե Հայաստանը 1991 թվականի դեկտեմբերի 10-ի հանրաքվեից հետո Արցախը որպես սուբյեկտ ճանաչեր, ինքնորոշման իրավունքին համապատասխան Արցախը կարող էր հանրաքվե անցկացնել ու որոշել՝ միանո՞ւմ է ՀՀ-ին, անկախանո՞ւմ է։
«Ճանաչումը դրա հնարավորությունն էր տալիս։ Միևնույն է, գնում էր արդեն պատերազմը։ Պատկերացրեք՝ 1994 թվականին հաղթող կողմը մենք էինք։ Այսօրվա Ալիև կոչվածը, տեսեք, շատ ճիշտ է անում, հաղթող կողմ է և թելադրում է։ Մենք, որպես հաղթող կողմ, չթելադրեցինք, որ նա պարտավոր է ճանաչել Արցախի՝ այլևս իր տարածքում չլինելը»,- ասում է Սարգսյանը։
Դեմկուսի ղեկավարի պնդմամբ՝ Արցախի հարցն այդ տարբերակով լուծելու հնարավորություն իրապես եղել է։
Հարցազրույցն ամբողջությամբ՝ տեսանյութում։
Ռոբերտ Անանյան
