19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
24 մլն դրամ` վարչապետի գավաթի հերթական մրցաշարի համար․ ՏԵՍԱՆՅՈՒԹ
22.04.2022 | 16:42
Ապրիլի 14-ին Տավուշի մարզում՝ Դիլիջանի Պարզ լիճ տանող ճանապարհահատվածի 4 հազար մետր հատվածում, նախատեսվում է կազմակերպել «Վարչապետի գավաթ» դպրոցականների խճուղավազքի մրցույթ, որի նպատակն է թիմային վազքի և առողջ ապրելակերպի մասսայականացումը, բնակչության շրջանում ֆիզկուլտուրայի քարոզչության ապահովումը: Կառավարության հերթական նիստում այս մասին տեղեկացրեց ԿԳՄՍ նախարար Վահրամ Դումանյանը:
Նա նաև հավելեց, որ մրցաշարին կմասնակցեն Երևանում, մարզերում և Արցախում հաղթող ճանաչված թիմերը:
Նախարարի խոսքով՝ ներկայացվող նախագծով նախատեսվում է ԿԳՄՍ ընդհանուր հատկացումների հաշվին կատարել վերաբաշխում և 24 մլն 361 հազար 500 դրամ հատկացնել մրցաշարի անցկացման համար:
«Նշված գումարից պարգևատրման ֆոնդը կկազմի 14 միլիոն 715 հազար 400 դրամ: Թիմային խճուղավազքի մրցույթում առաջին, երկրորդ և երրորդ տեղեր գրաված դպրոցների թիմերը և մասնակիցները կպարգևատրվեն հավաստագրերով, գավաթներով, մեդալներով և դրամական պարգևներով: Առաջին տեղ զբաղեցրած դպրոցը կպարգևատրվի 4 միլիոն դրամով, երկրորդ տեղը զբաղեցրածը՝ 2.5 միլիոն դրամով, երրորդ տեղը զբաղեցրածը`1.5 միլիոն դրամով»,- նշեց Դումանյանը:
Մանրամասները՝ տեսանյութում:
