29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Վանեցյանը մենակ է մնացել հրապարակում. չկան ՀՀԿ-ականները, ՀՅԴ-ականները, Քոչարյանի մյուս պատգամավորները․ Հրաչյա Հակոբյան․ ՏԵՍԱՆՅՈւԹ
Քաղաքականություն
20.04.2022 | 18:53
«Ձմռան ցրտին դժվար կլիներ, դրա համար էլ օրերը տաքացան, հետո նոր Արթուր Վանեցյանը հայտարարեց նստացույց անելու մասին, սակայն որևէ մեկը չգիտի այդ ակցիայի հստակ պահանջները և ասելիքը»,- այս մասին Factor TV-ի հետ զրույցում նշեց ԱԺ «Քաղաքացիական պայմանագիր» խմբակցության անդամ Հրաչյա Հակոբյանը՝ անդրադառնալով հարցին, թե ինչու է հենց հիմա ԱԱԾ նախկին ղեկավար Արթուր Վանեցյանն արդեն մի քանի օր շարունակ Ազատության հրապարակում նստացույց անում և հայտարարել է, որ տուն չի գնալու, մինչև որ իշխանափոխություն չլինի:
Հակոբյանի դիտարկմամբ՝ բողոքի ակցիաների, իշխանափոխության հանրային պահանջ չկա: «Եթե անգամ նման պահանջ լիներ, կարծում եմ, Արթուր Վանեցյանն այն մարդը չէ, որի շուրջ կհամախմբվեին: Մարդիկ սովորաբար գնում են սկզբունքային առաջնորդների հետևից, իսկ Վանեցյանը, չէի ասի, թե փայլում է սկզբունքայնությամբ»,- նշեց Հակոբյանը:
«Վանեցյանը ոչինչ չի առաջարկում, ուզում է մարդիկ գնան, իրեն ասեն՝ ինչ կարելի է անել. դա էլ է տարբերակ, իր իրավունքն է, թող ակցիաներ անի»,- նշեց Հակոբյանը:
Նա նաև ընդգծեց, որ Վանեցյանը մենակ է մնացել հրապարակում, չկան ՀՀԿ-ականները, ՀՅԴ-ականները, Քոչարյանի կուսակցության մյուս պատգամավորները. «Եթե դժգոհություններ ունեն, ինչո՞ւ չեն միանում Վանեցյանին»:
Մանրամասները՝ տեսանյութում։
