15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
ՌԴ-ն շահագրգռված է ՀՀ-ի հետ էներգետիկայի, հանքարդյունաբերության, տրանսպորտային ենթակառուցվածքների ոլորտում նոր համատեղ նախագծերի մեկնարկով․ Միշուստին
Քաղաքականություն
20.04.2022 | 16:02
Մոսկվան առաջարկում է արագացնել Երևանի հետ տնտեսական համագործակցության միջկառավարական նոր ծրագրի ստորագրման նախապատրաստական աշխատանքները։ Այս մասին չորեքշաբթի Հայաստանի վարչապետ Նիկոլ Փաշինյանի հետ հանդիպման ժամանակ ասել է ՌԴ վարչապետ Միխայիլ Միշուստինը, գրում է ՏԱՍՍ-ը։
«Մենք առաջարկում ենք արագացնել Ռուսաստանի և Հայաստանի միջև տնտեսական համագործակցության միջկառավարական նոր ծրագրի ստորագրման նախապատրաստական աշխատանքները»,- ասել է նա։
Միշուստինը հիշեցրել է, որ միջկառավարական հանձնաժողովն աշխատում է երկկողմ համագործակցության ընդլայնման կոնկրետ նախաձեռնությունների վրա։ Միևնույն ժամանակ, նրա խոսքով, Մոսկվան շահագրգռված է նոր համատեղ նախագծերի մեկնարկով, այդ թվում՝ էներգետիկայի, հանքարդյունաբերության, տրանսպորտային ենթակառուցվածքների, դեղագործության, ագրոարդյունաբերական համալիրի, թվային տնտեսության և նորարարության ոլորտներում։
Հիշեցնենք, որ ՀՀ վարչապետ Նիկոլ Փաշինյանը երկօրյա պաշտոնական այցով գտնվում է Մոսկվայում։
Տաթև Ֆռանգյան
