12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Միշուստինը Փաշինյանի հետ հանդիպմանը կոչ է արել ավելի ակտիվ օգտագործել ազգային արժույթներով վճարումները
Քաղաքականություն
20.04.2022 | 15:48
Ռուսաստանի Դաշնության և Հայաստանի միջև առևտրում ազգային արժույթների օգտագործումը առանձնահատուկ նշանակություն ունի Մոսկվայի դեմ մի շարք պետությունների կողմից կիրառվող պատժամիջոցների ֆոնին։ Այս մասին չորեքշաբթի հայտարարել է ՌԴ վարչապետ Միխայիլ Միշուստինը Հայաստանի վարչապետ Նիկոլ Փաշինյանի հետ հանդիպմանը, գրում է ՏԱՍՍ-ը։
«Ռուսաստանի դեմ ոչ բարեկամական երկրների կողմից անօրինական պատժամիջոցների համատեքստում, իհարկե, կարևոր է երկկողմ առևտրում ազգային արժույթների ավելի ակտիվ օգտագործումը, արդյունաբերական համագործակցության զարգացումը և բոլոր ուղղություններով փոխադարձ առևտրի ընդլայնման նոր հնարավորություններ բացելը»,- ասել է նա։
Միշուսիտնը նաև նշել է, որ Մոսկվան և Երևանը 2021 թվականին նախորդ տարվա համեմատ գրեթե 13 տոկոսով ավելացրել են երկկողմ առևտրի ծավալը։
«Ռուսաստանը Հայաստանի տնտեսության արտաքին առևտրային գործընկերների և ներդրողների շարքում առաջինն է: Եվ անցած տարի փոխադարձ ապրանքաշրջանառությունը 2020 թվականի համեմատ աճել է գրեթե 13 տոկոսով, աճը շարունակվում է։ Այն հասել է 2 միլիարդ 600 միլիոն դոլարի», – ասել է ՌԴ վարչապետը։
Տաթև Ֆռանգյան
