01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
ԼՂ անվտանգության հետ կապված հարցերը կլինեն ուշադրության կենտրոնում․ խնդիրներ շատ կան․ Պուտինը՝ Փաշինյանին․ ՏԵՍԱՆՅՈՒԹ
Քաղաքականություն
19.04.2022 | 18:21
Այսօր Մոսկվայում Հայաստանի վարչապետ Նիկոլ Փաշինյանի հետ հանդիպման սկզբում Ռուսաստանի նախագահ Վլադիմիր Պուտինը հայտարարել է, որ իրենք, ի թիվս այլ հարցերի, կքննարկեն անվտանգության վերաբերյալ հարցեր, այդ թվում նաև Լեռնային Ղարաբաղում։
«Իհարկե, անվտանգության հարցերը նույնպես կլինեն մեր ուշադրության կենտրոնում, այդ թվում՝ Ղարաբաղի հետ կապված, շատ խնդիրներ դեռ կան, համաձայն եմ ձեզ հետ։ Մենք ձեզ հետ մշտական կապի մեջ ենք։ Չգիտեմ, ամեն շաբաթ կամ ամեն 10 օրը մեկ անգամ հաստատ զրուցում ենք հեռախոսով։ Հանդիպումները ևս պարբերաբար են, չնայած համաճարակային ժամանակաշրջանին»,- ասել է Պուտինը։
Ռուսաստանի Դաշնության նախագահը նաև հիշեցրել է, որ Փաշինյանի այցը համընկնում է Ռուսաստանի Դաշնության և Հայաստանի միջև դիվանագիտական հարաբերությունների հաստատման 30-ամյակի հետ։
«Նախատեսվում է մի շարք փաստաթղթերի ստորագրում»,- հավելել է նա։
Պուտինի խոսքով՝ փաստաթղթային բազան լավ հնարավորություն է ստեղծում աշխատելու համարյա բոլոր ոլորտներում։
Մանրամասները՝ տեսանյութում։
Տաթև Ֆռանգյան
