10.09.2026 | 12:43
ՌԴ-ից Ադրբեջանի տարածքով Հայաստան է ուղարկվել 20 վագոն գարի և 21 վագոն ցորեն
Պաշտպանական կողմը նպատակ է հետապնդում դատավարությունը տարիներով ձգձգել. դատախազ․ ՏԵՍԱՆՅՈՒԹ
Հասարակություն
19.04.2022 | 16:48
Երևանի ընդհանուր իրավասության դատարանում այսօր ընթանում էր ՀՀ երկրորդ նախագահ Ռոբերտ Քոչարյանի ու ՀՀ նախկին փոխվարչապետ Արմեն Գևորգյանի գործով դատական նիստը, որը նախագահում էր դատավոր Աննա Դանիբեկյանը։
Մեղադրող դատախազ Պետրոս Պետրոսյանը դատական նիստում առաջարկել է նախ հետազոտել կաշառքի և փողերի լվացման ապացույցները, ինչին պաշտպանական կողմն ընդդիմացել է:
«Պաշտպանության կողմը դատավարական նպատակ չի հետապնդում՝ դիմադրություն ցույց տալով, այլ նպատակ է հետապնդում այս հետաքննությունը տարիներով ձգձգելու, չիրականացնելու»,- լրագրողների հետ զրույցում այս կարծիքը հայտնեց դատախազը: -Պաշտպանության կողմից ստեցել ենք հակազդեցություն՝ եկեք բազմածավալ գործը հատ-հատ հետազոտենք: Նրանց նպատակն այն է, որ տարիներով դատաքննություն ընթանա»:
Դատախազը հավելեց, որ հնարավոր է այս ամենի տակ թաքնված է նաև դատավարական նպատակ, այն է՝ խուսափել քրեական պատասխանատվությունից:
Մանրամասները՝ տեսանյութում:
