07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Արմեն Գևորգյանը կմեկնի ՀՀ-ից՝ ԵԽԽՎ նիստին մասնակցելու համար. դատարանը թույլատրեց․ ՏԵՍԱՆՅՈՒԹ
Հասարակություն
19.04.2022 | 15:46
Դատավոր Աննա Դանիբեկյանը թույլատրեց ՀՀ նախկին փոխվարչապետ Արմեն Գևորգյանին որոշ ժամանակով բացակայել երկրից՝ Ստրասբուրգում նախատեսված վեհաժողովին մասնակցելու համար։
Նշենք, որ Երևանի ընդհանուր իրավասության դատարանում շարունակվում է ՀՀ երկրորդ նախագահ Ռոբերտ Քոչարյանի ու ՀՀ նախկին փոխվարչապետ Արմեն Գևորգյանի գործով դատական նիստը։
Արմեն Գևորգյանի փաստաբան Լուսինե Սահակյանը միջնորդեց դատարանին թույլատրել Արմեն Գևորգյանին անցնել ՀՀ սահմանը։ Մասնավորապես, Սահակյանը հայտնեց, որ Գևորգյանը ապրիլի 23-ից ապրիլի 29-ը ԵԽԽՎ նստաշրջանի աշխատանքներին պետք է մասնակցի՝ ներկայացնելով ՀՀ շահերը:
«Դատարանը հատկապես կարևորում է այն հարցը, որ միջնորդության հիմքում նշվում է` Գևորգյանը պատրաստվում է ԵԽԽՎ-ում ելույթներ ունենալ և բարձրաձայնել Արցախյան հակամարտությանը վերաբերող հարցեր։ Նման հարցեր այս պահին բարձրացնելը դատարանն արդիական է համարում»,- ասաց Դանիբեկյանը։
Դատավորի խոսքով` չնայած Գևորգյանի` երկիր չվերադառնալու որոշակի հավանականությանը, դատարանը որոշում է թույլատրել նրան Ստրասբուրգ մեկնել:
Մանրամասները՝ տեսանյութում:
