17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Շատ դեպքերում մենք չգիտենք ԶԼՄ-ների իրական սեփականատերերի մասին. դա լուրջ խնդիր է. Նունե Սարգսյան․ ՏԵՍԱՆՅՈՒԹ
Հասարակություն
19.04.2022 | 14:05
Այսօր տեղի ունեցավ Հայաստանում մեդիային վերաբերող օրենսդրության բարեփոխումների անհրաժեշտության խնդրին նվիրված կլոր սեղան, որի արդյունքներով նախատեսվում է, որ Հայաստանի Հանրապետության արդարադատության նախարարությունը, Ազգային ժողովի Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովը և Խոսքի ազատության պաշտպանության կոմիտեն, որը գործում է լրագրողական 10 հասարակական կազմակերպությունների կողմից տրված լիազորագրի հիման վրա, կստորագրեն Համագործակցության հուշագիր:
Մեդիա նախաձեռնությունների կենտրոնի գործադիր տնօրեն Նունե Սարգսյանը մեծ կարևորություն է տալիս մեդիադաշտի օրենսդրության բարեփոխումներին՝ ասելով, որ իր պատկերացմամբ՝ դրանց հիմնական նպատակն այն է, որպեսզի ստեղծվի բարենպաստ դաշտ ազատ և անկախ լրատվամիջոցների գործունեության համար:
«Շատ դեպքերում հայտնի չէ, թե ովքեր են ԶԼՄ-ների իրական սեփականատերերը»,- նշեց Սարգսյանը՝ հավելելով, որ լուրջ խնդիրներ կան և օրենսդրության փոփոխության անհրաժեշտություն կա:
Նա նաև անդրադաձավ լրագրողների հավատագրման, ինֆորմացիայի ազատության, մեդիագրագիտության և լրատվական ոլորտի այլ խնդիրների:
Մանրամասները՝ տեսանյութում:
