20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Ամեն երևանցու հետևից մեկ հավաքարար է պետք․ քաղաքապետարանն ավելացնում է հավաքարարների թիվը․ ՏԵՍԱՆՅՈՒԹ
Հասարակություն
19.04.2022 | 13:42
Սանմաքրումը մեր քաղաքում խնդիր է: Այս խնդրի մասին այսօր Երևանի ավագանու նիստի ժամանակ բարձրաձայնեց Երևանի քաղաքապետի խորհրդական Կամո Արեյանը:
«Եթե դուք ինձ հարց տայիք, թե քանի՞ հավաքարար է քաղաքին պետք, առանց զավեշտի, շատ հանգիստ կասեի՝ 1 միլիոն հարյուր. ամեն մի երևանցու հետևից 1 հավաքարար է պետք: Ես սա ցավով եմ ասում: Առավոտյան ժամը 05:30-ից սկսում ենք սանմաքրումը, բայց ժամը 12:00-ին, 13:00-ին անցեք կամայական մի փողոցով, կտեսնեք, որ մի քանի ժամում քաղաքն աղբի մեջ կորած է: Ընդամենը 4-5 ժամում ամբողջ քաղաքը վեր է ածվում աղբանոցի, որովհետև յուրաքանչյուր երևանցի անխնա նետում է ձեռքից եկածը»:
Քաղաքապետի խորհրդականը անդրադարձավ նաև քաղաքում աղբարկղերի քանակին՝ նշելով. «Երևանում կա բավարար քանակի աղբարկղ, չկա բավարար դաստիարակություն, պատասխանատվություն: Կա՛մ ամեն մեկի հետևից մեկը պետք է մոխրաման բռնի՝ 1.1 միլիոն մոխրաման պահող է հարկավոր, կա՛մ էլ քաղաքը հո չե՞նք ծածկելու աղբարկղերով»:
Մանրամասները՝ տեսանյութում:
