10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
Կոչ կանեմ հացադուլը դադարեցնել. ՄԻՊ-ը՝ Ազատության հրապարակում գտնվող 44-օրյայի մասնակիցների մասին․ ՏԵՍԱՆՅՈՒԹ
Հասարակություն
19.04.2022 | 13:31
«Հենց կիրակի երեկոյան, երբ եղել է հավաքի հետ կապված խնդիր, երբ եղել է 5 հոգու բերման ենթարկելու դեպք, իմ հանձնարարությամբ ՄԻՊ-ի ներկայացուցիչները կապ են հաստատել ոստիկանության հետ, հաջորդ օրն առավոտյան գրությամբ ոստիկանությունից լրացուցիչ պարզաբանումներ ենք պահանջել, այն պայմաններում, երբ pաշտպանին որևէ բողոք չէր ներկայացվել»,- այս մասին այսօր ԱԺ մարդու իրավունքների հարցերի հանձնաժողովում հայտարարեց Հայաստանի ՄԻՊ Քրիստիննե Գրիգորյանը:
«Մենք օպերատիվ կերպով հետևում ենք պրոցեսին, և կարծում ենք՝ բոլոր պայմանները պիտի ստեղծվեն, որպեսզի ապահովվեն հավաքի մասնակիցների իրավունքների իրացումը:
ՄԻՊ-ը, անդրադառնալով Ազատության հրապարակում 44-օրյա պատերազմի մասնակիցների հացադուլին, նշեց. «Այսօր պաշտպանի ներկայացուցիչները իմ հանձնարարությամբ եթե չեն այցելել, ապա կայցելեն հացադուլ հայտարարած, պատերազմի մասնակից երկու տղաներին: Ուզում եմ իրենց առողջական վիճակի հետ կապված խնդիրներին ծանոթանալ, և ըստ անհրաժեշտության՝ մեր կոնտակտները փոխանակել:
Ուզում եմ օգտվել առիթից և կոչ անել դադարեցնել հացադուլը, որովհետև կարծում եմ՝ մենք մեր երկրի առջև ծառացած խնդիրները չպետք է լուծենք հացադուլով, պետք է լուծենք համատեղ կառուցողական աշխատանքով»:
Մանրամասները՝ տեսանյութում:
