10.12.2025 | 19:10
Ինչքան շահույթ են ստացել ապահովագրական ընկերությունները
Փաշինյանը Պուտինի հետ հանդիպումից առաջ խոսել է Միշելի հետ. Զելենսկին` մարտերի նոր փուլի մասին. Լուրեր
Քաղաքականություն
19.04.2022 | 13:11
- Տեղի է ունեցել վարչապետ Նիկոլ Փաշինյանի հեռախոսազրույցը ԵՄ խորհրդի նախագահ Շառլ Միշելի հետ: Փաշինյանը և Միշելը քննարկել են Ալիևի հետ վերջին եռակողմ հանդիպումը, նաև ԵՄ-ի Արևելյան գործընկերության տնտեսական և ներդրումային պլանի շրջանակներում Հայաստանին 2.6 միլիարդ դոլար հատկացնելու պայմանավորվածության կատարման ընթացքը:
- Ուկրաինայի նախագահ Վլադիմիր Զելենսկին իր երեկոյան ելույթում հայտարարել է, որ Դոնբասի համար մարտերը, որոնց Ռուսաստանը նախապատրաստվում էր երկար ժամանակ, սկսվել են։ Ըստ Ուկրաինայի նախագահի՝ արևելքում և հարավում ռուսական զորքերը վերջին շրջանում փորձում են հարձակվել ավելի մտածված, քան նախկինում։
- Ուկրաինան ակնկալում է ԵՄ անդամակցության թեկնածուի կարգավիճակ ստանալ այս տարվա հունիսին՝ Եվրոպական խորհրդի նիստից հետո։ Այս մասին հայտնել է Ուկրաինայի նախագահի աշխատակազմի ղեկավար Անդրեյ Երմակը։
Այս ժամի լուրերը՝ տեսանյութում։
