19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Իրանի նախագահը հայտարարել է, որ Թեհրանը «կթիրախավորի Իսրայելի սիրտը», եթե նա գործի իրանցի ժողովրդի դեմ
Քաղաքականություն
18.04.2022 | 17:51
Իրանի զինված ուժերը կթիրախավորեն Իսրայելի սիրտը, եթե նա «ամենափոքր քայլն» իսկ անի Իսլամական Հանրապետության դեմ։ Այս մասին այսօր կայացած զորահանդեսին հայտարարել է Իրանի նախագահ Էբրահիմ Ռաիսին, գրում է Reuters-ը, որին վկայակոչում է swissinfo-ն։
«Մեր ռազմավարությունը պաշտպանությունն է և ոչ թե հարձակումը։ Իրանի բանակը շատ լավ օգտագործել է պատժամիջոցների հնարավորությունը՝ իրեն հզորացնելու համար, և մեր ռազմական արդյունաբերությունն այժմ գտնվում է լավագույն վիճակում»,- ասել է Իրանի նախագահը։
Նշենք, որ Միացյալ Նահանգներն և Իրանն ավելի քան մեկ տարի է՝ անուղղակի բանակցություններ են վարում միջուկային ծրագրին վերադառնալու համար, որը Վաշինգտոնը լքել էր 2018 թվականին և վերսկսել պատժամիջոցները Թեհրանի դեմ։
Իսրայելն էլ, որը հրաժարվում է ճանաչել Իսլամական Հանրապետությունը, ասում է, որ չի ընդունի Իրանը որպես «միջուկային զենքի շեմին գտնվող պետություն»:
Էմմա Չոբանյան
