27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Սերգեյ Բագրատյանի որդին ազատ է արձակվել
Հասարակություն
18.04.2022 | 15:50
«Քաղաքացիական պայմանագիր» խմբակցության պատգամավոր Սերգեյ Բագրատյանի որդին՝ 27-ամյա Շանթ Բագրատյանը, որ ձերբակալվել էր ժամեր առաջ, ազատ է արձակվել. նրա նկատմամբ որպես խափանման միջոց ընտրվել է ստորագրություն՝ չհեռանալու մասին։
Տեղեկությունը Factor.am-ին հետ զրույցում հաստատեց Քննչական կոմիտեի մամուլի քարտուղար Վարդան Թադևոսյանը։
Հիշեցնենք՝ Շանթ Բագրատյանը կասկածվում է Վայոց ձորի մարզում գազալցակայանի տնօրենին ծեծի ենթարկելու մեջ։ Նա հայտնաբերվել էր ոստիկանության և Քննչական կոմիտեի ձեռնարկած համատեղ գործողությունների արդյունքում։
Դեպքի առթիվ հարուցվել է քրեական գործ՝ Քրեական օրենսգրքի 258-րդ հոդվածի 4-րդ մասի հատկանիշներով՝ խուլիգանություն, որը կատարվել է զենքի կամ որպես զենք օգտագործվող առարկաների գործադրմամբ։
Ռոզա Վարդանյան
