20.08.2026 | 23:01
«Նոան» նոր գլխավոր մարզիչ ունի
Բաքուն պատրաստվում է աշխարհի ադրբեջանցիների 5-րդ համագումարն անցկացնել Շուշիում
Քաղաքականություն
18.04.2022 | 14:48
Բաքուն պատրաստվում է հերթական միջոցառումն անցկացնել Արցախի գրավյալ Շուշի քաղաքում։ Ադրբեջանական լրատվամիջոցների փոխանցմամբ՝ աշխարհի ադրբեջանցիների 5-րդ հավանքն է անցկացվելու հայկական քաղաքում։
Միջոցառման հստակ օրը չի նշվում, միայն հաղորդվում է, որ այն տեղի է ունենալու ապրիլին։ Մասնակիցները նախ հավաքվելու են Բաքվում, ապա մեկնելու են Շուշի։ Սպասվում է, որ միջոցառմանը մասնակցելու է աշխարհի 65 երկրի ադրբեջանական համայնքների մոտ 400 ներկայացուցիչ։
Նշենք, որ աշխարհի ադրբեջանցիների առաջին համագումարն անցկացվել է 2001 թվականի նոյեմբերի 9-10-ը, վերջին՝ չորրորդ համագումարը՝ 2016-ի հունիսի 3-ին։ Նախորդ բոլոր համագումարներն անցկացվել են Բաքվում։
Հավելենք, որ Ադրբեջանը պետական հատուկ քաղաքականություն է իրականացնում՝ Շուշին հայկական պատմական, կրոնական ու մշակութային ժառանգությունից զրկելու համար։ Դրա վառ դրսևորումներից մեկ էլ հայկական քաղաքը «Թյուրքական աշխարհի մշակութային մայրաքաղաք հռչակելն է»։
Էմմա Չոբանյան
