27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ձերբակալվել է պատգամավոր Սերգեյ Բագրատյանի որդին
Հասարակություն
18.04.2022 | 13:20
ԱԺ ՔՊ խմբակցության անդամ Սերգեյ Բագրատյանի որդին ձերբակալվել է։ Այս մասին լուրը Factor.am-ի հետ զրույցում հայտնեց ՔԿ խոսնակ Վարդան Թադևոսյանը։
Ըստ նրա՝ Երևանի բնակիչ 27-ամյա Շանթ Բագրատյանը ձերբակալվել է Հայաստանի քննչական կոմիտեի Վայոց Ձորի մարզային քննչական վարչությունում Քրեական օրենսգրքի 258 հոդվածի 4-րդ մասի հատկանիշներով (խուլիգանություն, որը զուգորդվել է անձի առողջությանը միջին ծանրության վնաս պատճառելով) հարուցված քրեական գործի շրջանակներում։ Նա այժմ գտնվում է ոստիկանության Վայոց Ձորի բաժնի ձերբակալվածների պահման վայրում։
Նշենք, որ Շանթ Բագրատյանը կասկածվում է գազալցակայանի տնօրենին ծեծի ենթարկելու մեջ։ Նա հայտնաբերվել է ոստիկանության և Քննչական կոմիտեի ձեռնարկած համատեղ գործողությունների արդյունքում։
Մերի Մարտիրոսյան
