13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Արցախի կարծիքն է կարմիր գիծը․ պիտի պատասխանի միջազգային հանրության առաջարկած լուծմանը․ Վահագն Հովակիմյան. ՏԵՍԱՆՅՈՒԹ
Քաղաքականություն
15.04.2022 | 20:32
Հայաստանը պետք է միջազգային հանրությանը փաստաթղթավորված ներկայացնի իրողությունը։ Միջազգային հանրությունն ինչ լուծում կառաջարկի, Արցախի հայությունը պիտի հայտնի իր պատասխանն այդ լուծմանը: Factor TV-ի հետ զրույցում Արցախի հարցում իշխանությունների տեսակետն այսպես է ներկայացնում ԱԺ «Քաղաքացիական պայմանագիր» խմբակցության պատգամավոր Վահագն Հովակիմյանը։
Ըստ նրա՝ վարչապետ Փաշինյանն իր ելույթով բացել է բանավեճի հարթակ։
Հիշեցնենք՝ Նիկոլ Փաշինյանն օրերս Ազգային ժողովում հայտարարել էր, որ այսօր միջազգային հանրությունը ՀՀ-ին առաջարկում է մի փոքր իջեցնել Լեռնային Ղարաբաղի կարգավիճակի հարցում դրված նշաձողը և միջազգային մեծ կոնսոլիդացիա կապահովի Հայաստանի և Արցախի շուրջ։
«Հակառակ դեպքում, ասում է միջազգային հանրությունը, խնդրում ենք մեզ վրա հույս չդնել, ոչ թե այն պատճառով, որ մենք չենք ուզում ձեզ օգնել, այլ այն պատճառով, որ մենք չենք կարող ձեզ օգնել»,- ներկայացրել է վարչապետը։
Հարցազրույցն ամբողջությամբ՝ տեսանյութում։
Ռոբերտ Անանյան
