06.10.2026 | 10:53
Հրմշտոց՝ ԱԺ-ում. անվտանգության աշխատակիցներին դահլիճ հրավիրեցին․ ՏԵՍԱՆՅՈՒԹ
Նախագիծը թերի է. պիտի լրագրողական համայնքը հարցը լուծի. Նունե Սարգսյանը՝ ՔՊ-ի հեղինակած նախագծի մասին. ՏԵՍԱՆՅՈՒԹ
Հասարակություն
15.04.2022 | 15:41
ԱԺ Մարդու իրավունքների պաշտպանության և հանրային հարցերի մշական հանձնաժողովի նախագահ Թագուհի Թովմասյանը կազմակերպել է քննարկում «Զանգվածային լրատվության մասին» օրենքում լրացում կատարելու մասին» օրենքի նախագծի թեմայով (հավատարմագրման կարգի փոփոխության մասով)։
«Նախագիծը թերի է. պիտի լրագրողական համայնքը հարցը լուծի»,- քննարկման ժամանակ այս մասին նշեց Մեդիա նախաձեռնությունների կենտրոնի տնօրեն Նունե Սարգսյանը:
Նրա խոսքով՝ օրինագիծը չի ներառում ամբողջական քայլերը, հստակ չէ՝ ով ինչի համար է պատասխանատու, ինչպես կարելի է բողոքարկել, և որն է այն փաստաթուղթը, որի հիման վրա պետք է հավատարմագրել:
«Կարծում եմ՝ հավատարմագրումն անախրոնիզմ է ինչ-որ իմաստով, մոտեցումն ավելի շատ պետք է լինի խրախուսող, ոչ թե արգելափակող, ցավոք, շատ օրինագծերի մեջ դրվում է արգելափակման գաղափարախոսությունը:
Ինքնակարգավորումը պետք է դառնա մեխանիզմներից մեկը, որով կարելի է ապահովել հավատարմագրումը, բայց պետք է այս հարցը լուծվի լրագրողական համայքնի կողմից՝ համագործակցելով կառավարության և ԱԺ-ի հետ»,- նշեց Սարգսյանը:
Նշենք, որ Թագուհի Թովմասյանի հավաստմամբ՝ լրագրողական հանրությունը անտեղյակ է եղել, որ այդպիսի օրենսդրական նախաձեռնություն կա և զրկված է եղել առաջարկներ ներկայացնելու հնարավորությունից:
Քննարկմանը հրավիրվել են նաև նախագծի հեղինակները, սակայն նրանք չեն ներկայացել:
Մանրամասները՝ տեսանյութում:
