07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Հայտնի են ամառային զորակոչի և զորացրման ժամկետները
15.04.2022 | 13:17
ՀՀ կառավարության որոշմամբ, շարքային կազմի պարտադիր զինվորական ծառայության կամ այլընտրանքային զինվորական ծառայության ամառային զորակոչն ու զորացրումն այս տարի կանցկացվի հուլիսի 1-ից մինչև օգոստոսի 30-ը ներառյալ։ Կառավարությունը համապատասխան որոշում է կայացրել ապրիլի 15-ի հերթական նիստում։
Որոշման նախագծի ընդունման անհրաժեշտությունը պայմանավորված է «Զինվորական ծառայության և զինծառայողի կարգավիճակի մասին» Հայաստանի Հանրապետության օրենքի 19-րդ հոդվածի 4-րդ և 25-րդ հոդվածի 1-ին մասերի ու «Այլընտրանքային ծառայության մասին» Հայաստանի Հանրապետության օրենքի 6-րդ հոդվածի 1-ին մասի կատարումն ապահովելու հանգամանքով:
Որոշումը կապահովի շարքային կազմի պարտադիր զինվորական ծառայության 2022 թվականի ամառային զորակոչի պատշաճ կազմակերպման և անցկացման գործընթացը:
