20.11.2024 | 08:36
Նիկոլ Փաշինյանը հայտնեց ՆԳ նոր նախարարի անունը
Փաշինյանը, միջազգային հանրություն ասելով, նկատի ունի Թուրքիային ու Ադրբեջանին. Անդրանիկ Թևանյան․ ՏԵՍԱՆՅՈՒԹ
Քաղաքականություն
15.04.2022 | 11:43
«Այդ որոշմամբ փաստացի Արցախի և Հայաստանի խորհրդարաններում հաստատվեց կոնսենսուս մինուս մեկ տարբերակ։ Այսինքն՝ Արցախը 100 տոկոսով՝ ի դեմս իր խորհրդարանի, և Հայաստանի խորհրդարանական ընդդիմությունը դեմ են այն մոտեցմանը՝ համաձայն որի՝ փորձում են տարածել, որ Արցախը պետք է լինի Ադրբեջանի կազմում»,- այս մասին խորհրդարանական ճեպազրույցների ժամին հայտարարեց «Հայաստան» դաշինքի պատգամավոր Անդրանիկ Թևանյանը՝ հավելելով, որ իրենց խմբակցությունը միանում է երեկ Արցախի ԱԺ-ի կողմից ընդունված հայտարարությունը։
Թևանյանի խոսքով՝ այժմ Հայաստանի խորհրդարանի ընդիմությունը և Արցախի խորհրդարանի պատգամավորները պետք է ամեն ինչ անեն նշված «կոնսենսուս մինուս Նիկոլ Փաշինյան» բանաձևը կապիտալիզացնելու համար։ Բայց դա անպայման չէ, որ դա դառնա փողոցային պայքար:
Ընդդիմադիր պատգամավորի դիտարկմամբ՝ Նիկոլ Փաշինյանին սատարում են Թուրքիան ու Ադրբեջանը: «Եվ Նիկոլ Փաշինյանը, միջազգային հանրություն ասելով, նկատի ունի Թուրքիային և Ադրբեջանին, որովհետև միայն նրանք են հայտարարել, որ Հայաստանը պետք է իջեցնի իր նշաձողը՝ Արցախի կարգավիճակի հետ կապված»,- նշեց Թևանյանը:
Մանրամասները՝ տեսանյութում:
