Քաղաքականություն
14.04.2022 | 20:50
Հարավային Կովկասում իրադրությունը թույլ չի տալիս դադարներ բանակցություններում և պահանջում է հետագա հետևողական քայլեր՝ տարածաշրջանանում երկարատև խաղաղության վերականգնման համար։ Այս մասին ասվում է ՌԴ ԱԳՆ պաշտոնական ներկայացուցիչ Մարիա Զախարովայի տարածած մեկնաբանության մեջ, գրում է ՏԱՍՍ-ը։
«Հետագա հետևողական քայլեր են պահանջվում տարածաշրջանում երկարաժամկետ խաղաղության և կայունության վերականգնման համար, քանի որ Միացյալ Նահանգները և Ֆրանսիան դադարեցրել են համագործակցությունը (ԵԱՀԿ Մինսկի խմբի) համանախագահների միջև»,- ասել է Զախարովան։
Նա նշել է, որ Մոսկվան պատրաստ է նպաստել Երևանի և Բաքվի միջև խաղաղության պայմանագրի կնքմանը։
«Ռուսաստանը լի է վճռականությամբ՝ նպաստելու Երևանի և Բաքվի միջև խաղաղության պայմանագրի կնքմանը»,- ասել է Զախարովան։
Էմմա Չոբանյան
