29.06.2026 | 10:35
Փրկարարները Փամբակ գետում հայտնաբերել են հունիսի 27-ից որոնվող տղամարդու դին
Կարող է և Թուրքիան էլ լինի միջազգային հանրության մեջ, որն ասում է՝ կարգավիճակի հարցում նշաձողը իջեցրեք. Անդրանիկ Քոչարյան. ՏԵՍԱՆՅՈւԹ
Քաղաքականություն
14.04.2022 | 20:41
«Խոսքն այն մասին է, որ միջազգային հանրությունն առաջարկում է հարցը նորից յուրովի քննարկել: Տարիներ շարունակ բանակցային գործընթացում Արցախի կարգավիճակը մեր պահանջների առանցքն է եղել, այդ պահանջներն ինչ-որ չափով պետք է վերանայվեն»,- այս մասին նշեց «Քաղաքացիական պայմանագիր» խմբակցության պատգամավոր Անդրանիկ Քոչարյանը՝ անդրադառաով դիտարկմանը, որ վարչապետ Նիկոլ Փաշինյանը երեկ իր ելույթում նշեց, որ միջազգային հանրությունը Հայաստանին ասում է՝ մի փոքր իջեցրեք նշաձողը ԼՂ կարգավիճակի հարցում:
Անդրադառնալով դիտարկմանը, որ նշաձողի իջեցումը զիջում է ենթադրում, Քոչարյանը նշեց. «Շատ հնարավոր է, որովհետև հետպատերազմական իրողությունները օրակարգը մի քիչ փոխել են: Մենք կրել ենք պարտություն: Դրանից ելնելով՝ խաղաղության օրակարգ, որ ասում ենք, պետք է կարգավորենք մեր սահմանների խնդիրները, Արցախի բնակչության անվտանգ գոյատևման խնդիրները… Կարող է և զիջումներ լինեն, բայց թե ինչի արդյունքում պետք է լինեն, ինչի արդյունքում մենք պետք է պահենք մեր ինքնիշխան կեցվածքը, դա արդեն բանակցությունների և մեր ժողովրդի միասնական կամքի դրսևորումից կարող է կախված լինել»:
«Կարող է և Թուրքիան էլ լինի միջազգային հանրության մեջ, որն ասում է՝ կարգավիճակի հարցում նշաձողը իջեցրեք»,- ասաց պատգամավորը:
Մանրամասները՝ տեսանյութում։
