13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Վրաստանից մի խումբ գործիչներ և բլոգերներ այցելելու են Արցախի գրավյալ տարածքներ, այդ թվում՝ Շուշի
Քաղաքականություն
14.04.2022 | 17:56
Մեկնարկել է վրացի մի խումբ մշակութային գործիչների, բնապահպաների, բլոգերների և թուրքագետների այցը Ադրբեջան։ Ադրբեջանական լրատվամիջոցների հաղորդմամբ՝ այցը կազմակերպվել է Թբիլիսիում Ադրբեջանի դեսպանատունը՝ Վրաստանում պետական նավթային SOCAR ընկերության ներկայացուցչության աջակցությամբ։
Հաղորդվում է, որ այցը տևելու է մինչև ապրիլի 17-ը, վրացական պատվիրակության համար կազմակերպվելու է էքսկուրսիա Բաքվում, անցկացվելու են մի շարք հանդիպումներ։
Ուշագրավ է, որ վրացական պատվիրակության անդամներն այցելելու են նաև Արցախի գրավյալ տարածքներ՝ Վարանդա, Ակնա, ինչպես նաև Շուշի։
Հավելենք, որ սա վրացի փորձագետների առաջին այցը չէ Արցախի գրավյալ տարածքներ։ Անցյալ տարի մայիսին վրացի մի խումբ բլոգերներ, լրագրողներ և փորձագետներ այցելել էին հայկական Շուշի քաղաք։ Այդ այցը նույնպես կազմակերպել էր Վրաստանում Ադրբեջանի դեսպանությունը՝ SOCAR-ի տեղի ներկայացուցչության աջակցությամբ։
Էմմա Չոբանյան
