09.01.2026 | 23:33
Մի խումբ քահանաներ միանում են վարչապետի՝ «եկեղեցու բարենորոգման» հայտարարությանը, մյուսները՝ զորակցում Կաթողիկոսին
Զախարովան ասել է, թե Հայաստանի ԱԺ պատգամավորների այցը Լեռնային Ղարաբաղ համաձայնեցված չի եղել խաղաղապահների հետ
Քաղաքականություն
14.04.2022 | 16:50
Հայաստանի խորհրդարանի պատգամավորների այցը Լեռնային Ղարաբաղ նախապես համաձայնեցված չի եղել խաղաղապահների հետ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
Մեկնաբանելով հայ պատգամավորներին ռուս խաղաղապահների պատասխանատվության գոտի ընդունելու հետ կապված վերջին խնդիրները՝ Զախարովան նշել է, որ «ռուսական խաղաղապահ զորախումբը գործում է Ռուսաստանի, Ադրբեջանի և Հայաստանի ղեկավարների հայտարարության դրույթներին խստորեն համապատասխան։ Այս այցը նախապես համաձայնեցված չէր ռուսական խաղաղապահ զորախմբի հրամանատարության հետ»։
Ըստ Զախարովայի՝ այն հայտարարությունները, թե խաղաղապահների գործողությունները հակասում են Ռուսաստանի, Հայաստանի և Ադրբեջանի պայմանավորվածություններին, կեղծ են։
«Մենք կարծում ենք, որ ռուս խաղաղապահների գործողությունների մասին հայտարարությունները, որոնք, իբր, հակասում են 2020 թվականի նոյեմբերի 9-ի հայտարարության դրույթներին, չեն համապատասխանում իրականությանը»,- ասվում է հաղորդագրության մեջ։
Տաթև Ֆռանգյան
