16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Փաշինյանն ասել է՝ իբր Քոչարյանը կուտակել է աշխատավարձին չհամապատասխանող ահռելի կարողություն. Ալումյան․ ՏԵՍԱՆՅՈՒԹ
Հասարակություն
14.04.2022 | 15:55
Երևան քաղաքի ընդհանուր իրավասության դատարանում այսօր դատավոր Սերգեյ Սահակյանի նախագահությամբ շարունակվել է ՀՀ երկրորդ նախագահ Ռոբերտ Քոչարյանի հայցի քննությունն ընդդեմ ՀՀ վարչապետ Նիկոլ Փաշինյանի ու Հայաստանի Հանրապետության։
Ռոբերտ Քոչարյանի պաշտպան Հայկ Ալումյանը դատարանում նշեց, որ 2021 թ․ մարտի 1-ին ՀՀ վարչապետ Նիկոլ Փաշինյանը Երևանի Հանրապետության հրապարակում իր ելույթում մի քանի հազար հավաքվածների և ԶԼՄ-ների ներկայությամբ խախտել է անմեղության կանխավարկածը՝ Ռոբերտ Քոչարյանին մեղադրելով հանցագործությունների մեջ:
Քոչարյանն ընդդեմ Փաշինյանի քաղաքացիական գործն այսօր կայացած դատական նիստով մտել է դատաքննության փուլ։ Ապացույցների հետազոտությունը նախատեսված է հաջորդ դատական նիստին, որը նշանակվել է հունիսի 15-ին՝ ժամը 14։30-ին։
Հիշեցնենք` Ռոբերտ Քոչարյանի հայցադիմումը դատարան մուտքագրվել էր 1 տարի առաջ` 2021թ-ի ապրիլի 7-ին։
Հայցը վերաբերում է նախորդ տարվա մարտի 1-ին Հանրապետության հրապարակում հրավիրված հանրահավաքի ընթացքում Նիկոլ Փաշինյանի հայտարարություններին:
Քոչարյանի փաստաբանները ներկայացված հայցով դատարանից պահանջում են Հայաստանի Հանրապետությունից հօգուտ հայցվոր Ռոբերտ Քոչարյանի բռնագանձել 2.000.000 ՀՀ դրամ և պարտավորեցնել Նիկոլ Փաշինյանին հրապարակայնորեն հերքել 01.03.2021 թվականին Հանրապետության հրապարակում հայցվորի վերաբերյալ հնչեցված արտահայտությունները:
Մանրամասները՝ տեսանյութում
