Լաչինի միջանցքի լայնության մասին ոչ մի փաստաթղթում ոչինչ չկա․ Փաշինյան․ ՏԵՍԱՆՅՈՒԹ

«Դեռևս 1997 թվականին նախատեսվում էր հարցը բաժանել մասերի, սկզբում՝ ԼՂ հարց, հետո՝ խաղաղության պայմանագիր»,- այս մասին նշեց Նիկոլ Փաշինյանն խորհրդարանում իր ելույթի ժամանակ:

«2018 թվականի փաթեթով էլ է այդպես, 2016 թվականի փաթեթով էլ: Այդ փաթեթի մեջ շատ հստակ գրված է, որ այս նախնական սկզբունքները համաձայնեցվում են, հետո սկսվում են կառավարությունների միջև բանակցություններ, շատ կարևոր մի արձանագրում՝ ԼՂ ներկայացուցիչների մասնակցությամբ: Այստեղ է, որ «ԼՂ ներկայացուցիչներ» ասելով նկատի էին առնվելու ԼՂ հայեր և ԼՂ ադրբեջանցիներ: Այդտեղ է, որ այդ կարգավորման առաջարկով ԼՂ ադրբեջանցիները նստելու էին բանակցությունների սեղանի շուրջ, և որևէ կարգավորում չէր լինելու, մինչև այդ հարցը չլուծվեր, մինչև Շուշիի հարցը չլուծվեր: Սերժ Սարգսյանը հանձնելո՞ւ էր Շուշին, չէր հանձնելու, պատերազմ էր սկսվելու: Եվ ոչ միայն Շուշին: Ղարաբաղի մի մասը հանձնելո՞ւ էր»,- ասաց Փաշինյանը:

«Խոսում են, հեքիաթներ են պատմում՝ Լաչինի միջանցքն այսպիսին պիտի լիներ, այնպիսին պիտի լիներ: Լաչինի միջանցքի լայնության մասին բանակցային ոչ մի թղթում ոչ մի բան չկա, դա հետո պիտի քննարկվեր: Եվ այս փուլայինին մի հատ էլ է փուլ ավելացել, Անվտանգության խորհրդի նիստում պետք է որոշվեր Լեռնային Ղարաբաղի ընթացիկ կարգավիճակը:

Մեզ այսօր ասում են՝ իրենք Ղարաբաղն ուզում են հանձնել կամ հանձնեցին։ Եթե մենք Ղարաբաղն ուզենայինք հանձնել, Սերժ Սարգսյանի թողած բանակցային տրամաբանությունը մինչև վերջ տանեինք, դրանով Ղարաբաղը հանձնած կլինեինք»,-   նշեց վարչապետը։

Մանրամասները՝ տեսանյութում: